Samræmd könnunarpróf í 4. og 7. bekk falla niður

Okkur fannst vert að það kæmi frétt um þetta á heimasíðu skólans þar sem dagsetningar á fyrirhuguðum prófum í 4. og 7. bekk eru inn á skóladagatalinu. Mennta- og menningarmálaráðuneytið hefur ákveðið að samræmd könnunarpróf verði ekki lögð fyrir 4. og 7. bekk haustið 2021 og farið verði í vinnu við þróun á nýju námsmati.

Sjá nánar "eldgamla" frétt hér

Skólinn verður settur 20. ágúst, hlökkum til að sjá sem flesta í foreldraviðtölunum (athugið ekki samkoma á sal vegna C-19)

Kæru nemendur/foreldrar/forráðamenn

Föstudaginn 20. ágúst verður skólasetning Grunnskólans á Þingeyri með breyttu sniði þó.

Í stað þess að allir mæti á tilsettum tíma á sal á formlega skólasetningu mæta nemendur með foreldrum í foreldraviðtal til umsjónarkennara í sína heimastofu (sömu heimastofur og á síðasta skólaári). 

Í viðtölunum taka umsjónarkennarar á móti nemendum og foreldrum, farið verður yfir skólabyrjun, stundaskrár afhentar, markmið sett og fleira sem þarf að hafa í huga við upphaf skólans. 

Vegna stöðunnar á COVID er grímuskylda fyrir foreldra í viðtölum og biðjum við alla sem mæta í skólann að spritta hendur og gæta persónulegra sóttvarna.  Við tókum þessa ákvörðun með það í huga að koma til móts við alla sem að skólastarfinu koma til að auka líkur á því að allt gangi sem eðlilegast fyrir sig. 

Allt er að verða klárt varðandi praktísk atriði. Íþróttakennarinn kemur ekki fyrr en aðra vikuna í september alla leið frá Spáni og ætlar að búa á Þingeyri. Athugið að mötuneytið opnar ekki fyrir grunnskólanemendur fyrr en 1. september og þurfa nemendur að hafa með sér nesti út ágúst. Skóladagatal 2021-2022 er hér 

Alls verða nemdnur 36 í vetur, 3 þeirra eru nýjir (1. í fyrsta bekk, 1. í öðrum bekk og 1. í 6. bekk biðjum við samnemendur að taka sérstaklega vel á móti þeim). 

Hornsteinar skólastarfsins eru : Gleði- virðing- ábyrgð- samheldni

Hlökkum til 124. skólaárs Grunnskólans á Þingeyri

Starfsfólk G.Þ.

24. og 31. ágúst verður boðið upp á bólusetningar fyrir börn á aldrinum 12 – 15 ára á norðanverðum Vestfjörðum. Bóluefnið sem verður notað er frá Pfizer/BioNTech. Bólusett verður í matsal Heilbrigðisstofnunar Vestfjarða á Ísafirði.  Foreldrar/forráðamenn fá boð um bólusetningu í gegnum Mentor.

Foreldrar/forráðamenn sem þiggja bólusetningu fyrir börn þurfa að fylgja barni í bólusetningu eða senda staðgengil 18 ára eða eldri með umboð (börn í sömu fjölskyldu geta mætt saman).

Börnum í 7. bekk sem verða 12 ára eftir 1. september býðst bólusetning seinna í haust.

24. ágúst

Kl. 10:00               Suðureyri og Þingeyri árgangar 2006, 2007 og 2008

Kl. 10:30               Bolungarvík árgangur 2006 og börn fædd í jan – júní 2007

Kl. 11:00               Bolungarvík börn fædd í júlí – desember 2007 og árgangur 2008

Kl. 11:30               Flateyri og Súðavík árgangar 2006, 2007 og 2008

Kl. 13:00               Ísafjörður árgangur 2006 börn fædd janúar – júní

Kl. 13:30               Ísafjörður árgangur 2006 börn fædd júlí – desember

Kl 14:00                 Ísafjörður árgangur 2007 börn fædd janúar – júní

Kl. 14:30               Ísafjörður árgangur 2007 börn fædd júlí – desember

Kl. 15:00               Ísafjörður árgangur 2008 börn fædd janúar – júní

Kl.15:30                Ísafjörður árgangur 2008 börn fædd júlí – desember

31. ágúst

Kl. 10:00               Ísafjörður börn fædd fyrir 1. september 2009

Kl. 10:30               Súðavík, Bolungarvík, Suðureyri, Þingeyri og Flateyri, börn fædd fyrir 1. september 2009

Upplýsingar um suðursvæði koma fyrir lok vikunnar.

Frá útiíþrótta tíma í vor (útiíþróttir eru í ágúst út september og maí)

Mikilvægt að allir hafi eftirfarandi atriði um sóttvarnir á hreinu í skólabyrjun:

• Grunnskólabörn eru undanskilin 1 metra fjarlægðarreglu og grímuskyldu, en þau skulu hvött til fyllstu varkárni og persónulegra sóttvarna.
• Samanlagður hámarksfjöldi starfsfólks og nemenda í rými er 200.
• Þegar starfsfólk nær ekki að viðhafa nálægðarmörk (1 m) sín á milli ber að nota andlitsgrímu.
• Blöndun hópa er heimil, hvort sem um ræðir börn eða starfsfólk.
• Foreldrar, aðstandendur og aðrir utanaðkomandi eiga að sýna aðgát þegar þeir koma inn í skólabyggingar og gæta að sóttvörnum. Hvatt er til grímunotkunar gesta í skólabyggingum, en skólum er jafnframt heimilt að takmarka enn frekar komu gesta í skólabyggingar.
• Um viðburði á vegum grunnskóla gilda sömu sóttvarnaráðstafanir og 200 manna fjöldatakmörkun fullorðinna.

Skólinn verður settur 20. ágúst nk. Nánari tímasetningar verða sendar til foreldra/forráðamanna á morgun. Hægt verður að panta foreldraviðtöl á Mentor.

Á þessari mynd má vel sjá staðsetningu gróðursetningar vorið 2021

Skólalóðin snyrt

Mikið fjör og gleði

« 1 af 7 »

Mikil samvinna ríkti á grænumdegi 1. júní í Grunnskólanum á Þingeyri. Allir nemendur og starfsfólk skólans komu niður hvorki meira né minna en 133 birkiplöntum frá gróðurstöðinni Sólskógum. Plönturnar voru gróðursettar í Yrkjureit skólans en nánar má kynnast Yrkjusjóð hér sem gefa okkur plöntur til gróðursetningar. Á þessari síður má finna ýmsan fróðleik um gróðursetningu bæðði fyrir nemendur, kennara og foreldra.

Eitt af gildum skólans er samheldni, nemendur sýndu það og sönnuðu að þau eru rík af henni.

Eftir gróðursetnigu var skólalóðin snyrt. Foreldrar komu og hjálpuðu okkur að grilla hamborgara og rúsínan í pulsuendanum var svo vatnsblöðru Paintball sem nemendaráð skipulagði. 

Skólaslit 4. júní 2021 kl.16

verða föstudaginn 4. júní kl. 16 í Þingeyrarkirkju.

Að lokinni athöfn mun Kvenfélagið Von sjá um kaffisölu í félagsheimilinu.

Einnig mun skólasýningin vera á sínum stað „á sal“ í skólanum

til kl. 18:30

Á milli kl. 18:30-19:00 sækja nemendur muni sína J

Allir velkomnir

Persónulegar sóttvarnir gilda ásamt skráningum gesta.

Búskapur Artic Fish skoðaður- allur hópurinn saman út á kví

Auður Alma glaði skipstjóri

Miðin könnuð

Jóhann glaði skipstjóri

Sigurður glaði skipstjóri

Dásamlegt veður til sjóferðar

Pijus káti skipstjóri,

Fríða Káta skipstjóri

Komin í pramman

Daði káti skipstjóri

« 1 af 11 »

Veðurbliðan hefur verið með eindæmum góð í maí, allavega á meðan sólin lætur sjá sig. Guðrún og nemendur í yngra,-miðstigi nýttu vorblíðuna í dag til ævintýraferðar. Ævintýrið var gulrót fyrir lestrarátakið sem lauk í 30. apríl. Sameiginleg ákvörðun allra í hópnum var að fá að heimsækja "nýja" prammann hérna úti fyrir Þingeyrarodda (eins og nemendur á elsta stigi fengu að gera í síðustu viku). Steini í fiskeldinu hjálpaði til við að gera ævintýrið að veruleika og sigldi með hópinn á Eiríki rauða yfir í prammann. Veiðstangir og mikið hugrekki var haft með í nesti, veiði var þó mjög dræm. Þegar hópurinn kom aftur land tók við ratleikur sem endaði með vísbendingunni: Þar er hægt að grilla og kveikja varðeld og upp á hólnum er sólúr. Nemendur voru ekki lengi að kveikja á perunni því þeir hafa verið að læra um sólúr í Halló heimur. Þar endaði ævintýrið með grilli og vorleikjum. Áberandi samkennd ríkti í hópnum og gleði skein úr hverju andliti eins og sjá má á myndum hér til hliðar. Takk fyrir okkur Artic Fish!

Allir nemendur og starfsmenn komu saman á sal og hlustuðu á söguna "Svartholið"

Í dag, 8. apríl var dagur barnabókarinnar. Það er IBBY á Íslandi heldur upp á dag barnabókarinnar með því að færa öllum grunnskólanemum landsins smásögu að gjöf. Í ár hefur Kristín Ragna Gunnarsdóttir skrifað skemmtilega smásögu fyrir þetta tilefni, Svartholið, og við sátum öll á sal og hlustuðum. Hóparnir unnu svo ýmis verkefni úr sögunni.  IBBY á Íslandi eru samtök fólks sem trúir því að barnabækur geti breytt heiminum til hins betra. 

Á morgun, 9. apríl, er svo haldið upp á "bláan apríl" með því að allir eru hvattir til að mæta í einhverju bláu í skólann, en það er gert  til að vekja athygli á málefnum barna á einhverfurófi.

Tekið af heimasíðunni blarapril.is: "Á hverju ári heldur félagið upp á “Bláa daginn” sem er oftast haldinn samhliða alþjóðlegum degi einhverfu sem er 2. apríl á ári hverju en ef 2. apríl lendir á helgi eða páskafríi hefur verið valinn annar heppilegur dagur þar sem Blái dagurinn hefur skapað sér sess í grunn- og leikskólum landsins og margir bíða spenntir eftir honum á hverju ári."

Við erum að sjálfsögðu með og mætum í bláu á morgun :-)

Hluti af bóknámshúsi MÍ og heimavist

Verknámshús MÍ

Bókasafnið í Mí sem oft er vel nýtt til vinnu

Fab-lab stofan skoðuð - en flestir þessir krakkar hafa fengið tækifæri til að vinna í Fablabinu, svo fyrir þeim var þetta ekkert nýtt

Hér verða framtíðar vélstjórar og stálsmiðir til

« 1 af 5 »

Menntaskólinn á Ísafirði bauð öllum 10. bekkingum á norðanverðum Vestfjörðum í heimsókn miðvikudaginn 24. mars til að kynnast skólanum og sjá hvað býður þeirra í haust. Klukkan 13.30 áttu nemendur frá Þingeyri, Suðureyri og Flateyri ásamt náms- og starfsráðgjafa þeirra og 10. bekkingum á Ísafirði heimsóknartíma í MÍ. Þar var mjög vel tekið á móti okkur og skólastarfið kynnt af skólameistara, aðstoðarskólameistara, áfangastjóra og náms- og starfsráðgjafa. Ekki fannst okkur síðra að fá kynningu á félagslífi nemenda og ágæti heimavistarinnar frá nemendum sjálfum. Við fengum svo "túr" um skólann þar sem ýmiss konar starfsemi var kynnt og kíkt inn í kennslustundir. Að lokum fengum við smá hressingu í mötuneytinu áður en haldið var aftur heim...... og þar biðu svo fréttir um lokanir og snemmbúið páskafrí - eins og öllum er kunnugt um. En við vorum mjög glöð að af þessari heimsókn gat orðið, því skil milli skólastiga eru alltaf svolítið "fullorðins" og smá "ógnvekjandi"

Takk fyrir frábæran dag, MÍ og 10. bekkur.

Pössum okkur sjálf

Ný tilkynning frá stjórnvöldum um takmörkun á skólahaldi var tilkynnt í dag og tekur hún gildi frá og með miðnætti í kvöld. Gildir sú ákvörðun til 1. apríl n.k.

Engin kennsla verður því í Grunnskólanum á Þingeyri á morgun, fimmtudaginn 25. mars og föstudaginn 26. mars. Staðan varðandi skólahald verður tekin aftur að loknu páskafríi.

Gleðilega Páska & munið að huga vel að sóttvörnum.