Elsta stig vann gullskóinn 2020-það vantar 2 nemendur í hópinn

Gullskórinn farandbikar G.Þ. í Göngum í skólann

« 1 af 2 »

Í dag hlaut elsta stig gullskóinn 2020. Gullskórinn er viðurkenningar farandsbikar sem hópurinn vann í Göngum í skólann átakinu sem stóð í september. Allir nemendur og starfsfólk merktu þá daga sem þeir komu gangandi eða hjólandi í skólann. Allir dagar hvers námshóps voru taldir og fundið út meðaltal hvers hóps. Allir hópar stóðu sig mjög vel og það munaði ekki miklu á stigagjöfinni. Starfsmenn skólans mega taka sig á en nemendur "rústuðu" þeim í þessari keppni. Þeir starfsmenn sem hafa hjólað og gengið í vinnuna síðan í haust fengu samt klapp og lof í lófa fyrir dugnað.

Fyrir afhendingu fórum við yfir ýmsa þætti sem stiðja við það að velja virkan ferðamáta og hvers við þurfum að gæta. Við minntum á nauðsyn þess að vera með hjálm þegar við hjólum og að tími endurskinsmerkja sé hafinn. Nánari reglur um hjólreiðar er að finna á vef samgöngustofu. 

« 1 af 6 »

Annan föstudag í september var list fyrir alla. Nemendur sáu danssýningu og tóku þátt í vinnustofu í íþróttahúsinu. Á milli vinnustofa fóru hóparnir í sund. List fyrir alla er barnamenningarverkefni og er ætlað að velja og miðla listviðburðum til barna og ungmenna um land allt og jafna þannig aðgengi barna á grunnskólaaldri að fjölbreyttum og vönduðum listviðburðum óháð búsetu og efnahag. Höfuðáhersla er lögð á list fyrir börn og list með börnum.

Stefnt er að því að yfir tíu ára grunnskólagöngu veiti verkefnið börnum góða yfirsýn yfir vettvang lista. Nemendur kynnast fjölbreytileika listanna, íslenskum menningararfi og list frá ólíkum menningarheimum.

Takk fyrir okkur Vala og Snædís þetta var mjög skemmtilegt og við nutum þess að hreyfa okkur saman og með ykkur. Nánari upplýsingar um verkefnið má finna á heimasíðu List fyrir alla

Kveðja frá dönsurunum:

Við viljum þakka kærlega fyrir frábæra viku hjá ykkur fyrir vestan. 

Þið og nemendur ykkar tókuð svo fallega á móti okkur sem og starfsfólk íþróttahúsanna. 
Það var frábært að hitta alla þessa nemendur og dansara. 

Framtíðin er svo sannarlega björt á Vestfjörðum. 

Gangi ykkur áfram vel með alla ykkar fallegu vinnu.

Sendum dansandi kærar kveðjur,

Vala og Snædís.

Stundaskrá H.S.V. Þjálfari: Sigþór Snorrason

Íþróttaskóli HSV hefst mánudaginn 05. október á Þingeyri og stendur yfir fram að jólafríi.  Æfingar fara fram í íþróttahúsinu á Þingeyri.  Æfingarnar eru fyrir 1.-7. bekk grunnskólabarna og er þjálfari Sigþór Snorrason.
Skráning er hafin og fer fram hér https://hsv.felog.is/
Æfingarnar verða grunnþjálfun barna og unglinga ásamt boltaskóla hvar farið verður í til skiptist blak, fótbolta, handbolta og körfubolta ásamt öðrum boltaleikjum og æfingum.
Verð er kr. 2.900,-
Markmið íþróttaskóla HSV:
.    Fá sem allra flest börn til að iðka íþróttir
.    Að fyrstu kynni barna af íþróttaiðkun sé jákvæð
.    Að börn fái að kynnast sem flestum íþróttagreinum
.    Að auka gæði þjálfunar
.    Lækka kostnað heimila við íþróttaiðkun barna
.    Auka grunnþjálfunarhluta æfinga, almenna hreyfingu, hreyfiþroska og hreyfigetu

Ef það vakna einhverjar spurningar vinsamlegast hafið samband við Heiðar Birnir Torleifsson, yfirþjálfara íþróttaskóla HSV á póstfanginu ithrottaskoli@hsv.is

#beactive - Finnum okkur hreyfingu við hæfi

Þann 23. – 30. september fer fram Íþróttavika Evrópu (#BeActive) víðsvegar um Evrópu. Íþrótta- og Ólympíusamband Íslands hefur fengið styrk frá Erasmus+ styrktarkerfinu til þess að standa fyrir verkefninu hér á landi. Markmið Íþróttaviku Evrópu er að hvetja Evrópubúa til að hreyfa sig meira í sínu daglega lífi og eru allir hvattir til þess að finna sér hreyfingu við hæfi.

Í ár var áætlað að halda ýmsa viðburði sem ljóst er að ekki verður. Það er þó margt hægt að gera og eitt af því sem við munum standa fyrir er Instagram leikur þar sem allir eru hvattir til þess að hreyfa sig, taka mynd og merkja myndna með #beactiveiceland. Þeir sem það gera eiga möguleika á að vinna glæsilega heilsutengda vinninga frá Brooks Iceland, World Class, Sportvörum, Hreysti, Skautahöllinni eða Minigarðinum.

Þeir sem hafa áhuga á BeActive geta fylgst með á eftirfarandi miðlum

Instagram Beactive á Íslandi
Facebooksíða Beactive á Íslandi

www.beactive.is

Ljóst er að það er mikið og óvenjulegt álag á einstaklingum og samfélaginu öllu vegna Covid-19 en einmitt þessvegna er mikilvægt að rækta heilsuna og gefa sér tíma til þess að hreyfa sig reglulega. Ein leið til þess að auka hreyfingu í daglegu lífi er að nota virkan ferðamáta sem við hvetjum ykkur til þess að gera.

Góð ráð til að efla lesfimi

Á degi læsis sem var á síðasta miðvikudag tóku nemendur á mið stigi fyrstu lesfimi prófin á þessu skólaári. Á næstu vikum verða prófin lögð fyrir aðra nemendur (fyrir lok septembermánaðar). 
Lesfimi er staðlað próf fyrir nemendur í 1.-10. bekk grunnskóla. Prófin eru þrjú fyrir hvern árgang í tveimur útgáfum, alls 20 próf. Prófinu er ætlað að meta stöðu nemenda í nákvæmum raddlestri og framfarir innan árs og milli ára. Nánari upplýsingar um lesfimi má finna hér. Minnum á að hægt er að sjá niðurstöður á mentor. 

Veljum virkan ferðamáta fyrir heilsuna og umhverfið

Göngum í skólann verkefnið hófst formlega þann 2. september síðast liðinn. Markmið verkefnisins er að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni. Ein einfaldasta leiðin til að auka hreyfingu í daglegu lífi er að velja virkan ferðamáta, svo sem göngu, hjólreiðar, hlaup, línuskauta og hjólabretti. Ávinningurinn er ekki aðeins bundinn við andlega og líkamlega vellíðan heldur er þetta einnig umhverfisvæn og hagkvæm leið til að komast á milli staða.

Hver námshópur merkir við á dagatöl ferðamáta hvers nemanda þar sem keppni hófst 2. sept. á milli hópa um að vinna GULLSKÓINN 2020. 
Lögð er m.a. áhersla á heilsueflingu, umferðarfræðslu og minnt er á útivistarreglur í tengslum við átakið.

4.-5. bekkur við álfastein í Hjarðardal

Elsta stig á Sandsheið

Mið stig eldri fóru Ausudal

Yngsta stig fór á Brekkuháls frá Skeiði, þau fundu ber og allir stóðu sig vel!

« 1 af 4 »

Göngum í skólann átakið byrjaði í dag og passar vel við gönguviku þema skólans. Þessi vika er tileinkuð hreyfingu, hreysti og hollustu. Hver námshópur er búin að fara í gönguferð. Þemað í ár var dalir þar sem gengið var á fjöll í fyrra. Yngsta stig gekk frá Skeiði yfir í Brekkudal með Kristínu Björk og Guðrúnu Snæbjörgu. "Yngra" mið stig gekk í Hjarðardal, með Sigþóri, Ninnu og Ernu. "Eldra" mið stig gekk upp Ausudal að Ausuvatni með Sonju og Gurðúnu. Elsta stig gekk af Sandsheiði niður Núpsdal að Skrúð. Þökkum við foreldrum og öðrum aðstandenum fyrir aðstoðina og samveruna í þessum ferðum.

Gönguvikan er mikilvægur þáttur í skólastarfinu, nemendur fræðist um nærumhverfi sitt og náttúruna, en einnig eru þær mikilvægar til að efla samstöðu og félagsþroska. Ekki má heldur gleyma mikilvægi heilsueflingar sem er stór þáttur í öllu skólastarfinu.

Grunnskólinn á Þingeyri skólasetning 24. ágúst kl. 10 og 11

Skólasetning verður með aðeins óhefðbundnu sniði. Til að ná að halda 2m reglu milli fullorðinna í ekki sömu fjölskyldu verður skólasetningu skipt eftir aldri í tvo hópa. Foreldrar nemenda eru hvattir til að mæta með börnum sínum í upphafi fyrsta skóladags.

• 1.-5. bekkur kl. 10:00
• 6.-10. bekkur kl. 11:00

Foreldrar eru beðnir um að panta samtalstíma/foreldraviðtal í gegnum Mentor sama dag.

Nemendur í 1. bekk eru með tölvupósti boðaðir til viðtals hjá umsjónarkennara mánudaginn 25. ágúst.

Hlökkum til að hitta ykkur

Bestu kveðjur Starfsfólk G.Þ.

Núna eru skólapeysurnar komnar í hús, nema í st M, sem misfórst eitthvað. En það er verið að gera þær fyrir okkur og mun ég setja það inn á fb síðu skólans ef þær verða komnar áður en ég fer. Ég verð hér í húsi til 15:00 í dag, miðvikudag, ef þið viljið nálgast ykkar peysu, þær kosta 1500.- og þarf að borga við viðtöku. Ef þið sækið ekki í dag bíða þær ykkar í haust :-) 

Skólastarf hefst að nýju, mánudaginn 24. ágúst. Ég vona að þið eigið ánægjulega daga framundan og njótið þess að vera í fríi. 

Ég fer héðan á föstudaginn og vil ég þakka kærlega fyrir hversu vel þið tókuð á móti mér, samstarfið og vináttuna. 

Með góðri kveðju, Sonja Dröfn

Skólaslit Grunnskólans á Þingeyri eru fimmtudaginn 4. júní, kl 17:00. Samkvæmt venju verður skólanum slitið í kirkjunni. Vegna aðstæðna er óskað eftir því að aðeins aðstandendur séu viðstaddir, ekki verður boðið upp á kaffihlaðborð í félagsheimilinu né sýningu í skólanum. 

Með bestu kveðju, Sonja Dröfn