Frá áramótabrennu 2012

Starfsfólk Grunnskólans á Þingeyri óskar nemendum, foreldrum og velunnurum skólans gleðilegs nýs árs með þökk fyrir samstarfið á árinu sem var að líða. Skólinn hefst samkvæmt stundaskrá kl. 10:00 mánudaginn 6. janúar eftir jólaleyfi. 

Samkvæmt hefðum skólans þurfa nemendur ekki að mæta fyrr en kl.10:00 í skólann eftir ævintýri álfa og trölla á Þrettándanum. Hvetjum alla nemendur að klæða sig upp og halda í skemmtilega hefð. Góða skemmtun :)

Nokkrir punktar fyrir vikuna:

• Tónlistarskólinn byrjar fimmtudaginn 9. janúar (samkv. skilaboðum frá Tuuli).
• Valtímar á unglingastigi hefjast ekki fyrr en vikuna 13.-17. janúar. Eyða myndast í stundatöflu nemenda þangað til. Þegar valið er komið á hreint verður gefin út ný stundaskrá.
• Umsjónarkennari á miðstigi verður í leyfi til 8. janúar, kennarar hjálpast að við að fylla í hennar skarð.
• Nemendur á yngstastigi ljúka sundviku dagana 13.-17. janúar, vegna daga sem féllu niður í desember. Nánar um það þegar nær dregur.

Gleðileg jól

Litlu jólin eru á morgun 20. desember. Nemendur mæta kl.9:30 og skólabíllinn fer af stað um kl. 12. Það sem nemendur þurfa að hafa í huga fyrir þessa stund í skólanum áður en haldið er í jólaleyfi er:

• mæta í jólaskapi og betri fötum
• heimilt að hafa með sér jóla-sparinesti
• hafa með sér kerti og stjaka til að búa til notalegheit í stofunni
• taka með sér pakka í pakkaskiptin fyrir um 500 kr.

Dagskrá litlu jólanna hefst með stund í heimastofu með umsjónarkennara þar sem jólakortum er dreift, pakkaskipti og fleira sem gera stundina notalega. Allir nemendur koma svo saman á sal og dansað og sungið í kringum jólatréð og eins og nemendur vita þá er aldrei að vita nema óvæntir gestir renni á hljóðið.............

Litlu jólunum lýkur um kl.11:45 þegar nemendur hafa kvatt kennara sína

Mánudaginn 6.janúar hefst skólinn aftur eftir jólafrí. Nemendur mæta kl.10:00 samkvæmt stundatöflu.

Þriðjudaginn 7.janúar höldum við í hefðirnar og mætum í skólann kl.10:00 eftir að hafa sofið vel eftir ævintýri álfanna á þrettándanum.

Kennarar og starfsfólk Grunnskólans á Þingeyri óskar öllum gleðilegra jóla, friðar og farsældar á nýju ári.

"Jólagluggi"

Nú líður tíminn og mikið um að vera. Á morgunn föstudaginn 13. desember er rauðidagurinn hjá okkur (sjá skipulag desember) og bjóðum við ykkur velkomin að koma til okkar kl. 11:00 og sjá afrakstur áhugasviðstímanna ásamt því að smakka á dýrindis piparkökum, kaffi og kakó. Endilega bjóðið öllum þeim sem vilja koma með og sjá hvað nemendur eru búnir að vinna vel í sínum vekefnum.

Í dag fimmtudaginn 12.12.13 ætlum við að vera með óhefðbundinn tíma í íþróttum. Við ætlum að fara öll saman og hafa gaman í Tarzan-leik. Að öðru leiti verður skóladagurinn hefðbundinn.

Við þurfum að gera ráðstafanir í sambandi við sundtíma í næstu viku þar sem sundlauginn okkar þarf að vera lokuð í óákveðinn tíma vegna orkuskorts frá og með deginum í dag. Það verður ekki gefið frí í þessum tímum heldur finnum við önnur viðfangsefni til að fást við.

Í næstu viku verða svo jólamaturinn ásamt litlu jólunum. Vill minna á pakka sem nemendur koma með að heiman fyrir 500 krónur á litlu jólin til að skiptast á við samnemendur sína.

Hlýjar kveðjur frá skólastjóra og kennurum

"Grunnskólinn kominn í jólabúning"

Hið árlega jólaföndur verður haldið í Grunnskólanum á Þingeyri sunnudaginn 8. desember kl. 13-15.

Laufabrauðið verður á sínum stað.

Einnig verður hægt að skreyta piparkökufólk, mála á keramik, skreyta kerti og föndra flott föndur úr Ólátagarði (verð frá 90 kr. - 1500 kr.).

Minnum á að gott er að taka með sér hnífa, laufabrauðsjárn, pensla og pappírslím ef þið viljið nota ykkar eigið. Þessir hlutir verða einnig á staðnum.

10. bekkur verður með kaffihús.

Posi verður á staðnum.

Foreldrar, ömmur og afar, komið með börnunum og eigum notalegan stund saman.

Með jólakveðju Foreldrafélag G.Þ.

Litlu jólin 2013, miðstig

 Miðvikudagur 4. des. Skreytingadagur í skólanum. Þennan dag notum við til að búa til jólakort og skreyta glugga og stofur. Hefðbundin kennsla fellur þá niður en tímarammi heldur sér. Nauðsynlegt er að allir nemendur komi með eftirfarandi:

• Lím og skæri (sumir eiga þessa hluti í skólanum)
• Auglýsingapésa til að klippa niður í keðjur.
• Litla heftara og hefti
• Skrautpennar til að skrifa á jólakort
• Bútar af jólapappír sem má klippa út og skreyta jólakort með
• Pappír, límmiða eða annað sem hægt er að nota í jólakortagerð.
• Skemmtilega jólatónlist og endilega vera með jólasveinahúfur.

Sunnudagur 8. des. Jólaföndur- og laufabrauðsgerð foreldrafélagsins kl. 13:00 – 15:00. Sérstakt blað hefur verið sent heim með nemendum með öllum upplýsingum.         

Föstudagur 13. des. Rauður dagur í skólanum. Skólinn býður foreldrum og velunnurum skólans að koma í kaffi og piparkökur og í leiðinni að sjá afrakstur nemenda úr áhugasviðstímum. Ætlum við að hafa daginn eins rauðan og við getum. Nemendur eru því beðnir um að mæta í skólann í einhverju rauðu. Sýningin byrjar kl. 11:00.

Fimmtudagur 19. des. Jólamatur mötuneytisins. Í hádeginu borða allir nemendur saman jólamat.

Föstudagur 20. des.  Litlu jól nemenda. Mæting er í skólann kl. 09:30. Akstur heim kl. 11:45. Það sem nemendur þurfa að hafa í huga er:

• að mæta í jólaskapi og í betri fötum
• að heimilt er að hafa meðferðis sparinesti í anda jólanna
• að hafa meðferðis kerti og kertastjaka svo það verði notalegt í stofunum
• að taka með sér pakka í pakkaskipti fyrir um 500 kr. hvern pakka.

Dagskrá litlu jólanna er á þessa leið:

Nemendur byrja daginn inn í sinni stofu með sínum umsjónarkennara þar sem farið er yfir jólakortin, pakkaskipti og eiga þar notalega stund. Allir nemendur koma svo saman á sal og dansa í kringum jólatréð og syngja jólalög. Ef söngurinn heyrist vel er aldrei að vita nema einhverjir gestir renni á hljóðið .........

Litlu jólunum lýkur um kl. 11:45, þegar allir hafa gengið frá í sínum stofum og kvatt sína kennara.

Mánudaginn 6. jan. 2014. hefst skólinn aftur eftir jólaleyfi. Nemendur mæta þá kl. 10:00 samkvæmt  stundatöflu.

 Þriðjudaginn 7. jan. 2014 höldum við í hefðir og byrjum skóladaginn kl. 10:00 eftir að nemendur hafa sofið vel eftir ævintýrin sem þeir upplifðu kvöldið áður á þrettándanum.

Framundan er árlegt jólaföndur Foreldrafélagsins. Síðustu ár hefur verið venja að kanna fjölda laufabrauða til að áætla hvað þurfi að panta mikið. Þeir sem ætla að skera laufabrauð eru beðnir um að gera pöntun sem fór heim með nemendum 27. nóvember s.l. og skila henni aftur í skólann föstudaginn 29. nóvember. Þak er á fjölda laufabrauða  um 25 kökur á heimili.

Einnig viljum við minna á foreldrafélagsgjöldin, 2000 kr. á heimili. Hægt er að ganga frá greiðslu inn á reikning:

0154-05-400174  kt. 441005-0670

Jólaföndrið verður auglýst síðar

Kveðja Stjórn Foreldrafélags G.Þ.

Nemendur í röðinni áður en gengið er upp í skólastofuna

"Í heimakrók"

"Hlustaleikur"

"Hvísluleikur"

« 1 af 4 »

Mánudaginn 25. nóvember tók Halla kennari á yngstastigi á móti nemendum sem koma til með að vera í fyrsta bekk á næsta skólaári. Henni til aðstoðar voru systkinin Kolbrún í 1. bekk og Ásmundur í 2. bekk. Þetta er í annað sinn á þessu ári sem fimm ára börnin koma í skólaheimsókn, en þessar heimsóknir koma í stað þess fyrirkomulags sem flestir þekkja sem vorskóli. Heimsóknin er liður í því að undirbúa börnin fyrir næsta vetur sem og að glæða starf leikskólans og grunnskólans. Allir voru mjög spenntir og áttu börnin góða stund saman í skólanum þar sem þau fóru m.a. í "hvísluleik" og "hlustaleik", fóru með öðrum nemendum skólans í frímínútur, skrifuðu nafnið sitt á blað, teiknuðu mynd og hlustuðu á sögu.

Nemendur í 1. bekk árið 2014-15 koma til með að vera 6 talsins og hlökkum við til að fá þau öllsömul í skólann okkar

"Ekki gott að stinga sér til sunds í tóma laug"

"Þessi pottur er galtómur"

« 1 af 2 »

Skólasund fellur niður vegna viðhalds í sundlauginni vikuna 20.-22. nóvember. En þessi vika er skemmtilega stutt vegna vetrarfrís og starfsdags kennara. Hægt er að fara í sturtu og því falla skólaíþróttir ekki niður. Einnig minnum við á að íþróttir utan skóla falla ekki niður þó að vatnið vanti í sundlaugina. Það verður því körfuboltaæfing kl. 17:00 á morgun miðvikudag eins og venjulega. Grunnþjálfun/íþróttaskóli kl. 14:30 á fimmtudaginn fyrir yngstastig og svo fótbolti, yngri kl. 17:00 og eldri kl.18:00.

Stefnt er á að dæla vatni aftur í laugina fyrir helgi og ætti hún þá að vera orðin heit og notaleg mánudaginn 25. nóv. Ef lauginn verður orðin heit á sunnudag verður byrjað að hleypa ofan í, þannig að það er um að gera að fylgjast með fyrir þá sem verða farnir að sakna þess að stinga sér ofan í en sunnudaginn 24. nóvember verður afmælismót Magnúsar Guðmundssonar í Boccia haldið í íþróttahúsinu og hefst mótið kl. 12:30.

Vonum að þið hafið átt gott vetrarfrí

Við ætlum að taka okkur frí frá skólabókunum

Í næstu viku mánudaginn 18. nóvember og þriðjudaginn 19. nóvember verður vetrarfrí í skólanum okkar. Við vonum að allir hafi það gott og gaman í vetrafríinu. Nemendur mæta aftur í skólann miðvikudaginn 20. nóvember. Kennarar ætla hinsvegar að mæta til vinnu á þriðjudaginn og vinna enn frekar að innleiðingu Aðalnámskrá með Grunnskólanum á Suðureyri og Grunnskóla Önundarfjarðar.

Góða helgi allir saman.  

« 1 af 2 »

Nemendaráð skólans hefur blásið til viðburðar með þemanu fínasta fínt. Á morgunn föstudaginn 15.nóvember eiga allir að mæta í sínu fínasta pússi. Má vera t.d. skyrta, stakar buxur eða jafnvel jakkaföt hjá strákunum. Stelpurnar geta t.d. mætt í fínum bol, pilsi eða jafnvel kjól.

Í framhaldi af fínasta fínt ætlar nemendaráð að halda dansi ball fyrir alla í skólanum. Dansi ballið verður haldið hér í skólanum á morgunn föstudaginn 15.nóvember frá kl. 17:00 - 19:00. Þemað er að mæta í sínu fínasta pússi eins og var um morgunninn. Aðgangseyri er 250 krónur og 350 krónur ef ekki er mætt í sínu fínasta fínu.

Við hlökkum til að sjá alla

Nemendaráð